Zentroa

Zentroaren izena: Malerreka Common Zerbitzuak
Sortu zen urtea: 2021
Lantaldea: 6 langile.
Negozio eredua: irabazi asmorik gabea.

Harremanetarako datuak

Harremanetarako perstona: Patxi Urroz
Helbidea:  Erreroa kalea, 31744 Elgorriaga
Telefonoa: 676 539 530
E-mail: malerrekacommonzerbitzuak@mcz.eus

Nor gara?

Malerreka Common Zerbitzuak, MC_Z, Malerrekako mikrokooperatiba bat da,
Bidasoko Eskualdean gizartebazterketa jasateko arriskuan dauden pertsonei gizarteratzen eta laneratzen laguntzeko helburua duena. Ekonomia zuzen, solidario eta berde berri baten printzipioei jarraitzen diegu, pertsonak erdigunean jarriz.

Elgorriagan gaude, Malerreka bailaran. Gure lan eremu nagusia Bidasoa Eskualdean dago, Nafarroa iparraldean, Gipuzkoan eta Lapurdin.

Gure inguruan dagoen arazo bikoitz bati aurre egiteko lan egiten dugu: baztertuta geratzeko arriskuan dauden pertsonak gizarteratzea eta laneratzea, eta ekonomia berriak sortzea, tokiko baliabideak kudeatuz.

Landa ingurunetik lan egiten dugu, gure eskualdetik, bertze landa enpresa batzuekin lankidetzan, udal, toki erakunde, enpresa nahiz partikularren eskariari erantzungo dioten kalitatezko zerbitzuak eskainiz.

Ibilbide luzeko enpresekin lan egiten dugu: Lorezaintza jasangarriaren diseinuan espezializatutako enpresak eta bideak mantentzeko eta indusketak
egiteko lanetan espezializatutakoak. Ekonomia, gizarte eta hezkuntza arloetako erakundeekin ere elkarlanean aritzen gara.

Eta haratago ere begiratzen dugu. Ziur gaude trantsizio ekologikoa eta ekonomia zirkularraren oinarriak praktikan jarri behar direla ekonomia, gizarte eta ingurumen jasangarriak lortzeko.

Zerbitzuen katalogoa

Gure zerbitzuak eta lan eremuak egituratzen dituzten ardatzak hauek dira: ekonomia zirkularraren aukerak, kontserbatu eta lehengoratu behar diren landa eta hiri espazioak kudeatzea eta mantentzea, eta lehen sektoreari, elikagai sistemari eta herri eremuen aprobetxamenduari lotutako ekimenak sortzea.

Udala edo toki erakundea bazara, gure zerbitzuak kontratatuz, Kontratu Publikoei buruzko 2/2018 Foru Legea beteko duzu; izan ere, lege horren 36. artikuluaren arabera, aurreko aurrekontuko esleipenen zenbatekoaren
% 6 gutxienez izaerasozialeko kontratuei gorde behar zaie.

Naturgune, bide eta instalazioen garbiketa eta mantentze lanak eta lorezaintza zerbitzu integralak.

GARBIKETAK ETA SASIAK KENTZEA:
Eremu naturalak eta berdeguneak garbitu eta mantentzen ditugu, sasiak eta sastrakak kenduz.

BIDEAK ETA HORMAK:
Landa bideak garbitu eta mantentzen ditugu, eta itxiturak, harrizko hormak eta landa arkitekturako elementuak zaharberritzen ditugu.

INAUSKETAK ETA LORATEGIAK:
Inausketa mota guztiak egiten ditugu eta lorategia zaintzen dugu.

INSTALAZIOAK GARBITU:
Frontoiak, udal instalazioak, etxe partikularrak, hiri-altzariak.

Zerbitzuak

MC_Zn, naturaguneak, bideak, ibaiak eta lorategiak, kaleak, hilerriak, belagiak, hormak, baratzeak etab., garbitu eta konpontzeko eta lorezaintzarekin lotutako zerbitzu sorta bat eskaintzen dizugu. Etxebizitzak, lokalak, kirol instalazioak, igerilekuak eta abar garbitzeko zerbitzuak ere ematen ditugu.

UDALAK ETA TOKI ERAKUNDEAK
• Eremu eta espazio naturalak, bide berdeak eta
landa-ondare arkitektonikoa.garbitzea, mantentzea
eta berreskuratzea.
• Bideak eta ibaiertzak garbitzea, sasiak kentzea eta inaustea.
• Hilerriak eta frontoiak garbitzea.
• Seinaleak mantentzea eta berreskuratzea.
• Hiri-altzariak instalatzea, garbitzea eta mantentzea.
• Beste zerbitzu orokor batzuk.

EMPRESAK
• Barruko eta kanpoko lorezaintza eta berdeguneak
mantentzeko lan integrala.
• Ureztatzeen kontrola.
• Sastrakak kentzeko eta garbitzeko lanak.
• Konponketa zerbitzu orokorrak.

PARTIKULARRAK
• Lorategiak eta baratzeak prestatzea eta mantentzea.
• Heskaiak garbitzeko, inausteko eta ebakitzeko lan zehatzak.
• Etxeen eta sukaldeen garbiketa eta mantentze orokorra.
• Ganbarak eta bordak garbitzea.
• Arropa garbitzeko zerbitzuak.

Gainera, MC_Z-k bost lan ildo nagusi identifikatu ditu, modu osagarrian egituratzen direnak, eta horiek mailaka garatzea aurreikusi dugu, proiektu espezifikoen diseinutik abiatuta.
• Baratze soziala eta elikagaiak eraldatzeko gunea, elikagaiak ekoizteko eta eraldatzeko, zirkuitu motzetan merkaturatzeko eta gizarteekonomiaren
bidez enplegua sustatzeko.
• Sukaldaritza soziala eta komunitarioa: etxez etxeko janari zerbitzua adinekoentzat eta autonomia arazoak dituztenentzat.
• Ardi latxaren artilea biltzea eta balorizatzea.
• Gaztainondoak berreskuratzea eta balorizatzea, eta degradatutako eremuak
lehengoratzea eta mantentzea (belagiak, iratze lekuak, larreak).
• Beste hondakin batzuen bilketa, tratamendua eta balorizazioa: organikoa,
ontziak ez diren plastikoak, olioak…